Faroe Islands Sustainable Fisheries (FISF) er eitt samstarv millum fiskivinnuna og granskingarumhvørvið í Føroyum við tí fyri eyga at skapa burðardyggan fiskiskap í havumhvørvi okkara. Vit vilja vera við til at gera fiskavørur frá burðardyggum fiskiskapi meira atkomiligar.
Í Føroyum hevur fiskivinnan í stóran mun valt at latið felagsskapin Marine Stewardship Council (MSC) borga fyri altjóða góðkenning og yvirvøku av fiskiskapi okkara. Við at velja fiskavørur við MSC-merkinum stuðlar brúkarin fiskiskapi, ið verjir havumhvørvi okkara og eggjar øðrum at gera tað sama.
Sambært ST-felagsskapinum FAO ger seg galdandi at:
Fyri mong av hesum menniskjum er burðardyggur fiskiskapur alneyðugur - ikki marglæti. Uttan burðardyggan fiskiskap enda tey í arbeiðsloysi, matvørutrot, fátækradømi og hungur.
MSC arbeiðir við at fremja ábyrgdarfulla fiskivinnuumsiting og burðardyggar mátar at varðveita fiskivinnusamfeløg framyvir.
Við at niðurberja ovurfisking og ólógligan fiskiskap kunnu vit vera við til at tryggja lívsgrundarlagið og matvørutrygdina hjá nógvum í heiminum.
Uppgávurnar hjá ráðgevandi nevndini eru m.a. at koma við tilmælum og raðfestingum um at fara undir MSC góðenningum av øðrum, ikki MSC góðkendumfiskasløgum.
Feløg við áhuga í nærri kunning um góðkenningar innan burðardyggan fiskiskap kunnu venda sær til FISF.
| FISF Kósarbrúgvin 3 P.O. Box 56, FO-710 Klaksvík | Fartlf +298 555453 |
Eisini ber til at venda sær til Durita í Grótinum, stjóra á fartelefon +298 555453.
